Инспекторатот на Oпштина Гази Баба, во соработка со Министерството за внатрешни работи и Јавното претпријатие „Гази Баба 2007“, изминатиот период реализирал акција во населеното место Кирил Петрушевски, во која биле одземени отпадни гуми и отпадни материјали.
Акцијата се спроведувала во непосредна близина на поранешната градска депонија „Вардариште“ и претставува црна точка во поглед на загадување на животната средина и амбиенталниот воздух поради спалување на отпад.
– Отпадните гуми и материјали најчесто се спалуваат и употребуваат како енергенс за загревање на локалното население, а дополнително се користи и металот кој останува по согорување на гумата. Во рамките на акцијата се собрани еден тон отпадни гуми и тие се предадени на правно лице кое поседува дозвола за третман на ваков тип на отпад – соопштија од Општина Гази Баба.
Оттаму додаваат дека нема да има толеранција за никој и оти Инспекторатот продолжува со посветена работа на терен за разоткривање и санкционирање на сите оние кои со своите постапки придонесуваат во загадувањето на амбиенталниот воздух.
ИЗДВОЕНИ
Трендафилов: Загрижува што синдикалната кошница се зголеми за минимални 123 денари, а очекувањата беа дека ќе се намали за 2300 денари
Трамп ја потпиша наредбата со која се става крај на американското државјанство со право на раѓање
Еве го голот на Кузмановски од 15 метри против Австрија (ВИДЕО)
Димитриевски – Рокас: Реформите во администрацијата и правосудството покажуваат дека Владата е на вистинскиот пат
