На интернет се појави видео снимка откако патничкиот авион Embraer E190 на Азербејџан ерлајнс се урна во Казахстан. Авион со 67 луѓе на летот за Русија се урна во регионот Актау по полетувањето од Баку.
Министерството за вонредни ситуации на Казахстан потврди дека најмалку 25 патници ја преживеале несреќата, бидејќи дел од трупот на авионот останал недопрен по падот.
Дел од трупот на авионот се одвоил од крилото и остатокот од авионот по падот. Остатоците се пронајдени превртени во тревата. Снимките од местото на настанот ги потврдуваат боите на авионот и неговата регистрација.
На снимката се гледа како луѓето извлекуваат еден патник од урнатините на авионот, додека другите преживеани се движат сами, некои се повредени, додека една жена плаче.
Survivors of the Azerbaijan Airlines plane crash in Kazakhstan are coming out of the wreckage. https://t.co/X3LMuYkFSB pic.twitter.com/BDjxht8M1v
— BigBreakingWire (@BigBreakingWire) December 25, 2024
На видеото се гледа друга жена како лежи на земја без видливи повреди додека спасувачките екипи ги обиколуваат преживеаните и им помагаат.
Според соопштението на Азербејџан ерлајнс, авионот со број на летот Ј2-8243 принудно слетаl на приближно три километри од казахстанскиот град Актау.
Рускиот авијациски регулатор соопшти дека прелиминарните податоци покажуваат дека пилотот одлучил да изврши итно слетување откако авионот се судрил со јата птици.
Непотврдени информации наведуваат дека меѓу преживеаните има и тројца малолетници, додека патниците се од различна националност: 37 од Азербејџан, 16 од Русија, шест од Казахстан и тројца од Киргистан. Според последните информации, пронајдени се телата на четири жртви.
Објавени се деталите од првичната истрага за авионската несреќа во Казахстан/ВИДЕО
