Вечерва снежниот бран кој зафати повеќе предели од Македонија предизвика на Скијачките центри снежната покривка да надмине половина метар, па така до 19 часот вечерва на Попова Шапка се измерени 55 сантиметри снег, 44 сантиметри во Маврово, 17 сантиметри во Лазарополе, 14 сантиметри во Тетово, и 2 сантиметри на Ѓуриште.
Исто така најмногу дожд во исто време наврна во Охрид, и тоа 20 литри на метар квадратен. Но и во овие делови дождот преминува во снег.
Најниска температура вечерва од градовите е измерена во Тетово, -1 степен, а највисока во до 8 степени во Демир Капија. Секако на Скијачките центри и на планините температурите насекаде се под нулата.
На табелата можете да ги погледнете и останатите температури измерени вечерва до 19 часот по градови и места во Македонија, и тоа на мерните станици на УХМР.
НАПОМЕНА: Снежната покривка вечерва ќе се прошири и зголеми, особено во западните и во источните предели, предупредува Попоски.
