Додека истрагата за смртта на оскаровецот Џин Хекман и неговата сопруга Бетси Аракава се уште траа, блиските и долгодишни пријатели на двојката велат дека биел во добра здравствена состојба при нивната последна средба.
„Минатиот пат кога ги видовме, беа живи и здрави“, рече Даниел Ленихан за Си-Ен-Ен.
Неговата сопруга вели дека последен пат ја видела Аракава пред неколку денови во продавница за мебел во Санта Фе која ја отвориле заедно и дека често разговарале.
„Им беше толку убаво овде. Веројатно никогаш ја немам видено двојка која се согласува и толку ужива еден во друг“, додаде Барбара Ленихан.
Аракава, велат тие, презеде дополнителни мерки за претпазливост како што е носење маска во сезоната на грип, само за да биде сигурна дека нејзиниот сопруг нема да се разболи.
Актерот и неговата сопруга во четвртокот беа пронајдени мртви во својот дом.
Хекман имаше 95 години, а Бетси 63.
Угина и нивното куче.
Телата на двојката беа пронајденив во одделни простории од домот.
Хекман беше пронајден на подот во близина на кујната, а Аракава во бањата.
Податоците од пејсмејкерот на Хекман покажуваат дека веројатно бил миртов девет дена пред да биде пронајдено телото.
„Ништо не ни е јасно“, порачуваат збунетите пријатели чекајќи официјален извештај за смртта.
ИЗДВОЕНИ
Карневалска дипломатија на големите геостратези – кој ќе биде крал на маските?!
СДСМ и коалицијата го зацврстуваат единството, ВМРО-ДПМНЕ мери рејтинзи, а Вреди обвинува: ДУИ се заканува со бојкот на локалните избори
Што договорија европските лидери? Претставен планот за Украина во четири чекори!
Филмот „Анора“ и неговиот автор Шон Бејкер триумфираа на 97. доделување на Оскарите
