Сликарска сесија за деца и тинејџери на „Китино Кале“

Утре на кичевското Китино Кале ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата.

Меѓународната вселенска алијанса (ISA) во партнерство со Организацијата за безбедност и соработка во Европа (OSCE) доби грант за проектот „Interstellar Expressions: Fostering Cultural Unity through Celestial Arts”. Овој проект има за цел да ги обедини младите од различни етнички и културни заедници во Кичево преку активности поврзани со уметноста и науката за вселената.

Проектот опфаќа четири работилници, од кои едната веќе е реализирана. Втората ќе се одржи денеска и тоа во два термини, првиот од 11:00 – 13:00 часот за деца на возраст од 8 до 12 години и вториот од 14:00 до 16:00 часот за учесници на возраст од 13 до 18 години тоа  на база на „прв дојден – прв услужен“.

Овој уникатен настан им овозможува на децата и тинејџерите да ја истражат врската помеѓу астрономијата и уметноста. Преку водна сликарска сесија, учесниците ќе научат како ноќното небо ги инспирирало уметниците низ историјата и ќе создадат сопствени уметнички ремек-дела инспирирани од ѕвездите.

Ќе се истражува ноќното небо како уметничка инспирација, ќе се креира сопствена галактичка уметност, ќе се запознаваат познати уметнички дела инспирирани од ѕвездите, а ќе се реализира и забавно и интерактивно учење за врската меѓу науката и уметноста.