Откако во саботата беше погребан папата Франциск, сите очи се вперени во конклавата, таен состанок на кардинали кои ќе се соберат за неколку дена за да го изберат новиот поглавар на Католичката црква. Заедно со светските лидери и монарси, околу 400.000 луѓе се собраа во саботата на последното збогување со аргентинскиот папа во Ватикан и на улиците на Рим. Тоа е доказ за популарноста на Франциск, енергичен реформатор кој се залагаше за најсиромашните и најранливите. Многумина од оние што тагуваат по починатиот папа, кој почина во понеделникот на 21 април на 88-годишна возраст, изразија загриженост за тоа кој ќе го наследи.
Утре, кардиналите ќе го одржат својот петти состанок по смртта на папата, каде што се очекува да го објават датумот на конклавата. Изборот на папата, кој се одвива зад заклучени врати во Систинската капела, со векови е предмет на јавна фасцинација. Кардиналите-изборници ќе гласаат четири пати на ден сè додека еден кандидат не обезбеди двотретинско мнозинство, чиј резултат се објавува на светот со горење хартии од кои испуштаат бел чад.
Луксембуршкиот кардинал Жан-Клод Холерих минатата недела изјави дека очекува конклавата да се одржи на 5 или 6 мај, по деветдневен период на жалост што завршува на 4 мај. Германскиот кардинал Рајнхард Маркс им изјави на новинарите во саботата дека конклавата ќе трае само „неколку дена“.
Гробницата на папата Франциск во базиликата Санта Марија Маџоре во Рим од вчера е отворена за верниците.
ИЗДВОЕНИ
НА СОБРИОТ ВО МЕЛНИК: Македонците во Бугарија го чествуваа Јане Сандански, порачаа дека ќе се борат за своите права
ВЛАСТА И ОПОЗИЦИЈАТА ГИ УТВРДУВААТ ФРОНТОВСКИТЕ ЛИНИИ ПРЕД ЛОКАЛНИТЕ ИЗБОРИ: Во клинч за анкети и проценти
Немаме гасовод, а кешираме по 300 илјади евра месечно за гас
„Ако вие, судии и обвинители, се плашите, еве ние, мајките, ќе застанеме пред вас и ќе ве браниме само дојдете до вистинскиот виновник“
