Сирија: Бунтовниците тврдат дека започнале со опсада на Дамаск, армијата негира дека се повлекува

Сириските бунтовници се обидуваат да го опколат главниот град Дамаск, изјави портпаролот на бунтовниците Хасан Абдулгани.

Портпаролот на бунтовничката коалиција предводена од групата Хајат Тахрир ал-Шам (ХТС) на Телеграм напиша дека „последната фаза“ од нивната операција за „опсада“ на Дамаск е започната.

Сириската армија негираше дека нејзините сили се повлекуваат од регионот на Дамаск, нарекувајќи ги извештаите за нивно повлекување „лажна медиумска кампања на вооружени терористички организации чија цел е ширење паника и страв меѓу цивилите во селата околу Дамаск“.