Сириецот кој го спречи сонародникот убиец во Австрија: „Мислеа дека јас сум напаѓачот, не сме сите такви!“

Сириец (23) вчера со нож нападнал минувачи, при што повредил неколку лица и усмртил 14-годишно момче во Вилах во јужна Австрија. Мотивот за злосторството се уште не е познат, а напаѓачот е уапсен откако доставувач на храна, исто така по потекло од Сирија, го запрел со неговиот автомобил.

„Ова е исклучителен и шокантен настан. Вакво нешто досега не е забележано во Корушка“, изјави Рајнер Дионисио, шеф на одделот за односи со јавноста на полицијата во Каринтија. На снимката од апсењето се гледа како напаѓачот се смее.

„Со оглед на околностите, можеме да бидеме благодарни што сведокот успеа да го онеспособи напаѓачот“, додаде Дионисио.

Алаедин Алхалаби, 42-годишниот Сириец кој го спречи напаѓачот, со години работи во Австрија.

BREAKING:

Terrorist attack in Villach, Austria.

A Syrian asylum seeker stabbed 5 random people on the street, killing a 14-year-old boy.

Witnesses say he shouted “Allahu Akbar” after the attack and was smiling when arrested by the police. Source: Salzburger Nachrichten. pic.twitter.com/NWmLg4IQxl

— Visegrád 24 (@visegrad24) February 15, 2025

„Четириесет и двегодишен доставувач на храна, исто така сириски државјанин, бил сведок на нападот. Тој без размислување тргнал со своето возило кон напаѓачот“, изјавил портпаролот на австриската полиција. Видов лице како лежи на земја, а маж со нож ги напаѓа минувачите. Ниту еден момент не размислував, само го возев мојот автомобил кон него“, опишал Сириецот кој го запрел напаѓачот.

„Тој се движеше кон центарот на градот, а имаше деца на улица – не можев да го дозволам тоа. И јас сум татко, имам и деца“, рече Алхалаби во разговор за Кроне. „Да бев само малку побрз, можеби 14-годишното момче сѐ уште ќе беше живо… Само што требаше да подигнам нарачка во Ледерергасе кога видов крв и две повредени лица на земја“, додаде тој, додавајќи дека напаѓачот не станал кога го удрил со автомобилот.

Минувачите почнале да го удираат неговиот автомобил. Мислеа дека јас сум напаѓачот“, објасни Алхалаби. „Не сме сите такви! Овде сум многу години, добро се интегрирав, како и многу други. Се надевам дека луѓето нема да не споредуваат со сторителот“, рече тој и заклучи дека реагирал инстинктивно и дека верува дека некој на негово место би го направил истото.

Детали од крвавиот напад со нож во Австрија: Сириецот се смееше додека го апсеа/ФОТО