Италијанскиот тенисер Јаник Синер набргу по веста за неговото повлекување од турнирот во Мадрид ги објасни причините зад таа одлука. Како што се претпоставуваше, се работи за повреда, поточно на десниот колк, за која Синер не сакаше повеќе да ризикува.
- Многу ми е жал што морав да се повлечам пред следниот натпревар во Мадрид. Мојот колк ме мачеше последните недели и постепено стануваше се поболно. Го следев советот на лекарот и решивме да не играм повеќе, за да не ја направиме ситуацијата уште полоша, напиша Синер на мрежата „Икс“.
