„Синиот дух“ слета на Месечината

Приватно вселенско летало слета на Месечината, со што стана само второто комерцијално возило кое стигнало до површината на Месечината, пренесе Би-Би-Си.

„Синиот дух“ ја напушти Земјата на 15 јануари, откако беше лансиран од американската компанија „Фајарфлај аероспејс“ (Firefly Aerospace) со намера да истражи огромен кратер видлив од Земјата.

Проектот е најновата соработка меѓу американската вселенска агенција НАСА и приватни компании.

„Интуитивни машини“ (Intuitive Machines), друга компанија, се надева дека ќе го приземји своето летало Athena во близина на јужниот пол на Месечината во следните неколку дена.

Intuitive беше првата приватна компанија која слета на Месечината. Нејзиното вселенско летало Одисеја пристигна на Месечината на 22 февруари минатата година.

Сепак, мисијата беше краткотрајна бидејќи леталото слета на падината на кратер, откина дел од него и се преврте.

Синиот дух полета непречено, орбитирајќи околу Месечината во последните две недели.

Blue Ghost’s shadow seen on the Moon’s surface! We’ll continue to share images and updates throughout our surface operations. #BGM1 pic.twitter.com/iP7fWOSths

— Firefly Aerospace (@Firefly_Space) March 2, 2025

Вработените во штабот на „Фајрфлај“ (Firefly) во Тексас ентузијастички аплаудираа и скандираа кога им беше кажано дека слетувањето е успешно.

Симеон Барбер, истражувач на планетарна наука од Отворениот универзитет, рече дека „Синиот дух“ (Blue Spirit) во суштина е првиот успешен приватен потфат на Месечината, бидејќи возилото е недопрено и реагирало.

„[Тие] демонстрираа технологија за слетување на површината на Месечината, онаа која беше заборавена од ерата на Аполо кога имавме астронаути на [лунарната] површина“, рече тој за Би-Би-Си.

Значењето на Месечината за многу приватни компании, додаде Барбер, е да се користи како лансирна рампа за истражување на остатокот од универзумот.

„Со одење на Месечината, можеме да научиме како да ракуваме со роботски инструменти во вселената [и] во лунарната средина, која понекогаш е топла, а понекогаш и студена. Многу е прашина, има многу радијација“.

Тој рече дека во одреден момент, веројатно е дека луѓето ќе се вратат на површината на Месечината, каде што престанале да слетуваат поради недостиг на средства.