Симболична случајност и малку познат историски факт: Април – еден од месеците кога се упокоиле најголем број папи

Папата Франциско почина во понеделникот во 7 часот и 35 минути, на 88-годишна возраст, завршувајќи го периодот во кој тој беше лидер кој остави неизбришлива трага во историјата на Римокатоличката црква, во април, кој се смета за еден од месеците во кои починале најголем број папи.

Роден како Хорхе Марио Бергољо во Буенос Аирес, Аргентина, тој беше првиот папа од Латинска Америка, познат по неговата блискост со најранливите, неговата силна одбрана на околината и неговата желба за поскромна и сочувствителна Црква, пренесува шпанскиот весник „Ларасон“.

Веста за неговата смрт предизвика бран реакции и почит ширум светот, од светски лидери до анонимни верници, бидејќи неговото заминување го затвори клучното поглавје во модерната историја на папството.

Наследството што го остава зад себе ќе продолжи да се проучува, размислува и вреднува од генерациите што доаѓаат, наведува весникот.

Интересно е што неговата смрт се вклопува во малку познат историски тренд: април, низ вековите, бил еден од месеците во кои умреле најголем број папи.

Така, оваа симболична случајност дополнително го нагласува крајот на ерата обележана со реформи, отвореност за меѓурелигиски дијалог и длабока општествена чувствителност.

Веднаш по завршувањето на Велигден, светот го потресе веста за смртта на Светиот Отец точно еден ден по Велигденската недела.

По септември (21 смртен случај), декември (20) и август (20), април е на четвртото место по бројот на починати папи во историјата, со 18 регистрирани смртни случаи.

Тие вклучуваат, меѓу другите, папата Јован Павле II, кој почина на 2 април 2005 година, потоа Николај IV, кој почина на 4 април 1292 година, и папата Аникет, чија точна година на смртта не е позната, но неговата смрт се одбележува на 20 април.

Ним им се придружуваат папата Јулиј I, кој „се вознесе во Царството Небесно“ на 12 април 352 година, папата Григориј XIII, кој почина на 10 април 1585 година и Бенедикт XII, кој почина на 25 април 1342 година. И на таа листа се додава и смртта на папата Франциск, кој почина во утринските часови на 21 април 2025 година.