Силно невреме ги погоди Србија, БиХ и Хрватска, силни ветришта и излеани реки

Силно невреме ги зафати Србија, Босна и Херцеговина и Хрватска со обилни врнежи, силни ветрови и проблеми во сообраќајот.

Метеоролошките служби ширум регионот предупредуваат на продолжување на неповолните временски услови, а локалните власти се во состојба на готовност за можни поплави и оштетувања на инфраструктурата.

Во Србија почнаа да се излеваат реки, а Рубличкиот хидрометеоролошки завод издаде предупредување за обилни врнежи од дожд кои ќе траат до денеска со количина на дожд од 60 до 80 мм локално и повеќе.

Во Сараево и низ цела БиХ дождот не престанува со денови, а водостојот на реките, особено на Миљацка, постојано се зголемува. Хидрометеоролошкиот завод издаде портокалово предупредување за неколку региони, меѓу кои Сараево, Тузла и Ливно, поради можност од поплави и проблеми во сообраќајот.

Хрватска ја погодија силни ветрови, особено во Загреб, со брзина 60 км/ч, соборувајќи дрвја, а некои делови од градот останаа без трамвајски сообраќај поради оштетување на напонската мрежа. Поради силни налети на ветер, прекината е работата на жичарницата. Државниот хидрометеоролошки најави продолжување на облачното и ветровито време и во наредните денови.