Унгарија и Кина за жал ја следат политиката на САД и ЕУ, кои само долеваат масло на огнот кога е во прашање украинската криза, изјави министерот за надворешни работи на Унгарија, Петер Сијарто.
– И Кинезите и ние сме тажни кога гледаме како некои американски и европски политичари постојано ја подгреваат тензијата во трансатлантскиот регион, постојано додавајќи масло на огнот, што е придружено со воинствено расположение и опасности од ескалација – се наведува во неговата објава на социјалните мрежи.
Сијарто посочи дека Унгарија ги цени напорите на Кина за воспоставување мир во Украина.
Кина, како што наведе, практично го предводи глобалното мнозинство кое се залага за мир.
Сијарто и кинескиот министер за надворешни работи Ванг Ји имаа средба на маргините на Генералното собрание на ОН.
Кина во февруари минатата година претстави план од 12 точки и повика на преговори и сеопфатен прекин, што Русија го поздрави, наведувајќи дека е отворена за постигнување на целите на специјалната воена операција преку политички и дипломатски средства, додека Зеленски поздрави некои елементи од кинескиот предлог за прекин на огнот, но рече дека само земјата во која се води војната треба да биде иницијатор на мировниот план.
Специјалниот претставник на Кина за евроазиски прашања Ли Хуеи ги посети Русија, Украина и неколку европски земји со цел да се постигне политичко решение за украинската криза.
