Доколку поранешниот американски претседател Доналд Трамп добие нов мандат во Белата куќа во ноември, постојат големи шанси тој да воспостави мир во светот, вклучително и во Европа, изјави денеска унгарскиот министер за надворешни работи Петер Сијарто.
Тој посочи дека меѓу новите случувања во американската изборна трка најважно е што Трамп е „светилник на надеж за мир во светот“, пренесува МТИ.
Во изјавата на министерството, Сијарто оцени дека војната на руско-украинскиот фронт е „сè побрутална“ и дека само надворешен актер може да ги доведе завојуваните страни на преговарачка маса, давајќи им до знаење дека „не може да се најде решение на бојното поле.
