Во тек се забрзани подготовки за средба меѓу американскиот претседател Доналд Трамп и рускиот лидер Владимир Путин по вербалниот судир меѓу американскиот претседател и украинскиот претседател Володимир Зеленски во Белата куќа минатата недела, изјавија дипломатски извори за Си-Ен-Ен.
Изворите велат дека Кремљ се надева на брзо продолжување на дијалогот, и покрај тоа што јавно не го објави.
Според овие извори, средбата меѓу Трамп и Зеленски во Овалната соба не била „случаен аргумент“, туку Трамп планирал да го дискредитира украинскиот лидер и да го отстрани од преговорите бидејќи претставувал пречка за неговите понатамошни дејствија.
Исто така наведоа и дека ништо јавно не е соопштено, туку дека приватно се зборува за самит Трамп-Путин и дека е можно средбата да се одржи во Саудиска Арабија, каде во февруари веќе се сретнаа американската и руската делегација.
Во меѓувреме, Кремљ изрази оптимизам за можноста за економски договори меѓу Русија и САД.
