Што се случи последниот пат кога ЕУ и Трамп се судрија околу вискито?

Американскиот претседател Доналд Трамп се закани со царини од 200 отсто за алкохолот од земјите од Европската унија (ЕУ) доколку не ја укинат царината од 50 отсто за вискито.

Ако не биде укината „веднаш“, додаде тој, контрацарината ќе биде насочена кон сите вина, шампањи и алкохолни производи кои доаѓаат од Франција и другите земји на ЕУ.

„Тоа ќе биде одлично за работните места за производство на вино и шампањ во САД“, рече американскиот претседател.

Ова е нова фаза од глобалната трговска војна, која ескалира оваа недела со зголемување на царините за 25 отсто на увозот на челик и алуминиум од други земји во Соединетите држави (САД). ЕУ одговори со контрацарини за американски стоки, вклучувајќи чамци, виски и мотоцикли, во вредност од 26 милијарди евра, почнувајќи од април.

„Длабоко жалиме за оваа мерка. Царините се даноци. Тие се лоши за бизнисот, а уште полоши за потрошувачите. Царините ги нарушуваат синџирите на снабдување и внесуваат несигурност во економијата“, изјави Урсула фон дер Лајен, претседател на Европската комисија.

Тоа никому не му треба, ниту во Европската унија ниту во САД, додаде таа.

Царините се централен дел од целокупната економска визија на Трамп – тој се надева дека тие ќе го поттикнат производството во САД и ќе ги заштитат работните места, но критичарите велат дека наскоро ќе ги зголемат цените за американските потрошувачи.

Индустријата за пијалаци е запознаена со трошоците за оваа борба. За време на првиот мандат на Трамп, тој исто така им зададе удар и на алуминиумот и челикот, што предизвика одговор од Европската унија, како што е данокот од 25 отсто за американското виски.

Мерката предизвика пад на продажбата на алкохолни пијалоци во САД за 20 отсто во ЕУ помеѓу 2018 и 2021 година, од 552 милиони долари (околу 508 милиони евра) на 440 милиони долари (повеќе од 405 милиони евра), според американскиот совет за дестилирани алкохолни пијалоци.

Царината беше укината и продажбата продолжи, бидејќи двете страни постигнаа договор со одредена количина европски метали се ослободија од царина.