Олаф Шолц и министрите во германската влада денеска добија потврди за разрешување од своите функции, но ќе останат како вршители на должност сè до именувањето на новата влада, пренесе „Шпигел“.
Пред да им ги врачи отказите на Шолц и неговите 14 министри, германскиот претседател Франк-Валтер Штајнмаер потсети дека владата се соочила со пандемијата на коронавирус, војната во Украина и војната во Појасот Газа.
„Вие, како федерална влада, моравте да дејствувате брзо и одлучно. Требаше да се движите низ непозната територија и да барате нови патишта“, рече Штајнмаер, заблагодарувајќи му се на Шолц за неговиот одговор на нападот врз Украина, опишувајќи го како „огромен напор“.
Штајнмаер посочи дека владата на Шолц успеала да ги подобри одбранбените капацитети на Германија на среден рок со воведување посебен фонд, дека ги вовела сите неопходни мерки за да се обезбеди снабдување со енергија во текот на првата зима од војната и дека овозможила прифаќање на бројни воени бегалци.
„Ова достигнување на вашата федерална влада заслужува почит“, рече тој.
По следното конституирање на германскиот Бундестаг, сите членови на владата ќе добијат уверенија за разрешување.
Коалицијата „Семафор“ на СПД, Зелените и ФДП се распадна на почетокот на ноември минатата година поради буџетски спор.
Шолц потоа го разреши министерот за финансии Кристијан Линднер, по што ФДП ја напушти коалицијата.
Претходно денеска, Јулија Клокнер од Христијанско-демократската унија (ЦДУ) беше избрана за претседател на германскиот Бундестаг.
ИЗДВОЕНИ
Дарко Стојанов се врати дома по лекувањето во Србија: „Лузните на телото ќе останат, но нема да крварат и да болат, ќе крвари раната на душата до крајот на животот“
Истрагата за пожарот во кочанската дискотека „Пулс“ се проширува, пет пациенти во критична состојба
ГНЕВОТ ПО УЖАСОТ ВО КОЧАНИ ГО ИЗНЕСУВА НАРОДОТ НА УЛИЦИТЕ: Граѓанските колони бараат правда, а не партиски неправди
Во 59. минута на мечот Македонија – Велс прекин и громоглесен аплауз за жртвите во Кочани
