Пензионираниот француски хирург Жоел Ле Скуарнек е обвинет за напад или силување на 299 деца во периодот од 1989 до 2014 година. Тоа се претежно негови поранешни пациенти, кои често ги злоставувал додека биле под анестезија.
Овој монструозен чин ја шокираше Франција, а на Ле Скуарнек ќе му се суди овој месец во случај што ќе биде најголемото судење за злоупотреба на деца во историјата на земјата.
Поранешниот хирург признал некои од наводите, но не сите.
Џоел Ле Скуарнек веќе е во затвор од 2017 година, кога беше уапсен под сомнение дека ги силувал своите роднини, кои сега имаат триесет години, како и шестгодишно девојче и млад пациент. Тој беше осуден на 15 години затвор во 2020 година.
Судењето, кое започнува на 24 февруари и ќе трае до јуни, ќе се одржи во Ван, каде што се обезбедени специјални простории за стотици жртви и нивните адвокати.
