Српскиот кошаркар Никола Јокиќ ја игра најдобрата сезона во НБА лигата, најверојатно ќе ја заврши со трипл-дабл просек, нешто што досега им успеа само на двајца кошаркари – Оскар Робертсон и Расел Вестбрук.

Сепак, има и такви кои сметаат дека ова не е најдобрата сезона на еден центар, па често се споменува 2001 година во која доминираше Шекил О’Нил.

Токму Шек беше запрашан да прогнозира како ќе заврши еден натпревар, во кој на едната страна ќе бидат О’Нил од 2001 година и Јокиќ од 2025 година, на што имаше очекувано интересен одговор.

  • Тоа би било словенечко пиле… Или од каде и да е. Словенија?, рече Шекил О’Нил, инсистирајќи дека ќе доминира во рекетот и ќе го натера Јокиќ да шутира тројки, во кои сигурно не би го поминал по бројот на поени: „Ќе го скршев. Ќе имав 40 поени, ќе требаше да ме чува со двајца играчи. Ќе дадев повеќе поени за два отколку тој тројки, порача Шек.

Потоа ги спомена и браќата на Јокиќ.

  • Би ги натерал и неговите браќа да се тепаат со мене, додаде Шекил О’Нил, на што беше запрашан дали воопшто ги видел браќата Страхиња и Немања: „И јас имам браќа. Чекај, не ги видел моите браќа? Српско пиле“.

Така, на крајот барем погоди од која земја потекнува Никола Јокиќ, најдобриот кошаркар на светот во последните пет години, а го потцени и Јанис Адетокумбо за кој рече дека ќе „направи гиро“ од него, иако пред само неколку дена, Леброн Џејмс, на пример, тврдеше дека Гркот ќе постигнувал по 250 поени по натпревар во 70-тите.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ