Трамп бара ретки метали од Украина во замена за воена помош

Говорејќи пред новинарите во Белата куќа, Трамп додаде дека Украина е подготвена за таков договор и дека сака „помирување“ за поддршката од речиси 300 милијарди долари што Вашингтон му ја обезбеди на Киев.

Американскиот претседател Доналд Трамп изјави дека сака да преговара за договор со Украина во кој Киев би гарантирал снабдување со ретки метали, клучни елементи што се користат во електрониката, во замена за воена помош. Украинскиот претседател Володимир Зеленски предложи слична идеја минатиот октомври како дел од неговиот „победнички план“ за ставање крај на војната со Русија, пишува „Гардијан“.

-И рековме на Украина дека поседува многу вредни ретки метали. Сакаме да склучиме договор со Украина, со кој тие ќе го обезбедат тоа што им го даваме со

Своите ретки метали и други ресурси, рече Трамп.

Говорејќи пред новинарите во Белата куќа, Трамп додаде дека Украина е подготвена за таков договор и дека сака „помирување“ за поддршката од речиси 300 милијарди долари што Вашингтон му ја обезбеди на Киев.

Германскиот канцелар Олаф Шолц го критикуваше барањето на Трамп, велејќи дека таков договор би бил „многу себичен и егоцентричен“. Тој додаде дека тие ресурси ќе бидат подобро искористени за обнова на земјата по војната, говорејќи по состанокот со лидерите на ЕУ во Брисел.

Испораките на американско оружје за Украина беа накратко прекинати во последните денови, пред да бидат рестартирани во текот на викендов, додека администрацијата на Трамп ја провери својата политика кон Киев, објави Ројтерс, цитирајќи четири извори запознаени со случувањата. Според два извора, испораките продолжиле откако Белата куќа отстапила од првичната процена за целосно запирање на помошта за Украина.

Запирањето на испораката на американско оружје би ја ослабело способноста на Киев да се брани и би ја ставила Украина во неповолна положба во какви било мировни преговори. Украинските војници ги губат позициите околу клучниот центар, кој се наоѓа на раскрсницата на неколку автопати кои водат до стратешки важни градови во источниот дел на регионот Доњецк, како и до важна железничка станица. Москва е решена да заземе што е можно повеќе територија, додека администрацијата на Трамп инсистира на преговори за ставање крај на војната.