Сеул, главниот град на Јужна Кореја, денеска ги забележа најсилните ноемвриски снежни врнежи забележани до сега, а лошото време го забави сообраќајот, предизвика прекин на електричната енергија и откажува стотици летови. Властите соопштија дека се подготвуваат за нови снежни врнежи во наредните денови.
Најмалку две лица загинаа во сообраќајни несреќи на автопатите источно од главниот град, додека делови од објекти кои паѓаа од згради и градилишта поради силните ветрови повредија некои пешаци во Сеул, јавува Ројтерс повикувајќи се на јужнокорејски медиуми.
Постудениот воздух од северозапад го претвори дождот во снег во текот на ноќта, формирајќи снежна обвивка од 18 сантиметри по локално време, што е најобилните снежни врнежи во Сеул од почетокот на евиденцијата во 1907 година, соопшти јужнокорејската метеоролошка агенција.
