Серија земјотреси забележани за 30 минути на островот Крит во Грција

Четири земјотреси за помалку од 30 минути се регистрирани нешто по 10 часот денеска во близина на грчкиот остров Крит, соопшти Геодинамичкиот институт на Националната опсерваторија во Атина.

Според податоците на EMSC, вака изгледала сеизмичката активност на Крит:

Земјотрес со јачина од 2,3 степени според Рихтеровата скала се случи во 10:01 часот на 19 километри источно од Крит на длабочина од 25,8 километри.

Една минута подоцна, два посилни земјотреси со јачина од 4,4 и 4,3 степени според Рихтеровата скала се случија на 24 и 29 километри североисточно од островот, на длабочина од 17,7 и 17,1 километри.

Во 10:29 часот, четврти земјотрес со јачина од 3,4 степени според Рихтеровата скала е регистриран на 15 километри источно од Закрос на мала длабочина од пет километри.

Сите земјотреси се случија во близина на Закрос, област позната по честите помали сеизмички активности.