Италијанската гимнастичка федерација ја отпушти селекторката на националниот тим, Емануела Макарани (58), откако беше поднесено обвинение против неа, за злоупотреба на девојчиња.
Макарани ја водеше италијанската репрезентација 29 години, но пред три години двете поранешни гимнастичарки, Ана Баста и Нина Корадини, ја обвинија за психичко малтретирање додека ги тренирала. Откако беше поднесено обвинение против неа, во судот во Монца, веднаш доби отказ.
- Донесовме едногласна одлука да го раскинеме договорот со Емануела Макарани. Веруваме дека е завршен циклусот и сакаме да ѝ се заблагодариме за нејзините успеси – објави претседателката на Федерацијата, Андреа Фачи.
Макарани ги негираше сите обвинувања, додавајќи дека не добила никакво официјално известување за причините за отказот.
Даниела Симонети, претседателка на ChangeTheGame, италијанско тело што ги брани жртвите од сексуална, физичка и од емоционална злоупотреба во спортот, рече дека заминувањето на Емануеле Макарани е пресвртница што отвора нова страница во интересите на младите гимнастичарки.
ИЗДВОЕНИ
Тошковски: За пожарот во Кочани се отвораат многу прашања во јавноста, постапуваме по наредбите од Обвинителството
Обвинение и за таткото на Васил Јованов кој ја усмрти Фросина Кулакова
Трамп воведе царини од 33% за Македонија!
Жена повредена во сообраќајна несреќа на „Партизанска“: Кривична пријава ќе биде поднесена против 26-годишникот кој удрил во неа
