Се урна руски стратешки бомбардер/ВИДЕО

Руски стратешки бомбардер „Tu-22M3 Backfire-C“ се урна за време на рутински лет во регионот Иркутск, објавија во вторник руските државни медиуми, повикувајќи се на Министерството за одбрана.

Според првичните информации до несреќата дошло поради дефект на авионот.

Министерството за одбрана соопшти дека сите четворица членови на екипажот се катапултирале од леталото. Меѓутоа, при слетувањето загинал еден пилот. „Авионот падна во ненаселена област“, ​​соопшти Министерството, додавајќи дека нема пријавени жртви или материјална штета на теренот.

Суперсоничниот авион Ту-22М3, произведен од Тупољев, е клучна платформа на руската флота. Иако првично беше развиен за време на Студената војна за да носи нуклеарно оружје, авионот оттогаш се користи за истрелување крстосувачки ракети, вклучително и ракетни напади врз инфраструктурни цели во Украина.

Каналот „Mash Telegram“, кој е тесно поврзан со руските безбедносни служби, објави дека бомбардерот се урнал во областа Усолски во областа Иркутск. Тие тврдат дека авионот удрил во далновод за време на несреќата, што предизвикало прекин на струја во две околни населби. Руските власти не го потврдија овој детал.

Инаку, за време на војната во Украина, според сајтот „Орикс“, кој собира визуелни докази за уништена воена опрема, три од овие бомбардери веќе биле уништени од Русите, додека еден бил оштетен.

Russian channels are reporting that a Tu-22M3 “Backfire-C” Long-Range Heavy Bomber, which are regularly used by the Russian Air Force for missile attacks against Ukraine, has crashed in the Irkutsk Oblast of Siberia. A search-and-rescue operation for the crew of the bomber is… pic.twitter.com/dw023nILW2

— OSINTdefender (@sentdefender) April 2, 2025