Политичката ситуација во Франција е тензична веќе неколку недели, па поради ова владее паника во пресрет на Олимписките игри во Париз кои се одржуваат од 26 јули до 11 август.
Така, дури и некои француски медиуми, меѓу нив и влијателниот „Ле Поинт“, ја пренесоа информацијата за можно откажување на Олимписките игри што ја потресе целата земја.
Поради ова, на своите канали итно реагираше Меѓународниот олимписки комитет (ИОК), кој и даде поддршка на Франција, па дури и прескокнаа некои информации во самото соопштение. Да речеме, тие не посочија на што точно се мислеше:
„Ова е јасен дел од тековната кампања за дезинформации против Франција, ИОК, нашиот претседател и Олимписките игри. Ова всушност нема никаква основа. Претседателот на ИОК и Олимпиското движење се радува на прекрасните Олимписки игри во Париз“, беше објавено на официјалниот профил на оваа организација на Твитер.
Да потсетиме, францускиот претседател Емануел Макрон неодамна го распушти парламентот по неуспехот на европските избори, по што беа закажани предвремени избори за 30 јуни, а вториот круг за 7 јули – сето тоа пред Олимписките игри. Поради сериозното „зајакнување на десницата“ кое може да го победи Макрон, се очекува дестабилизација на политичката ситуација во Франција.
Претходно, Франција беше под притисок да дозволи учество на спортисти од Русија и Белорусија, под неутрално знаме, што исто така предизвика големо негодување во земјата. Се очекува да пристигнат околу 10.000 спортисти од 206 земји.
