Ерол Маск, таткото на милијардерот Илон Маск, го изрази своето воодушевување од рускиот претседател Владимир Путин „како маж“, велејќи дека би било „глупаво да не му се восхитуваме“.
Тој неочекувано се појави во интервју за програма на Би-би-си на руски јазик, објавено на 3 април, објави Киев Индипендент.
Ерол Маск во интервју рече дека „само со текот на времето ќе може да се разбере кој навистина ја започна“ инвазијата на Украина, и покрај фактот дека тоа беше Русија, и додаде дека го смета Путин за „силен лидер“.
„Би било глупаво да не му се восхитувам на Путин. Ги слушам неговите говори, тој кажува логични работи. Ако го гледате само како човек, а не во контекст на меѓународната политика, тешко е да немате почит кон господинот Путин“, рече тој.
Ерол Маск е поранешен јужноафрикански бизнисмен и политичар познат по заладените односи со своите деца. Помладиот брат на Илон Маск, Кимбал, претходно изјави дека нивниот татко порано им викал со часови, нарекувајќи ги бескорисни и патетични.
На прашањето за односот на Илон Маск кон Путин, Ерол рече дека нивните ставови се слични.
„Сите мислиме така. Сите сме исти“, рече тој за своето семејство.
Ерол, исто така, рече дека одлуката на Маск да и обезбеди на Украина сателитски интернет Старлинк на почетокот на војната во 2022 година е точна, но дека војната „не престанала, туку трае и продолжува“.
Ерол Маск ја отфрли идејата дека влегувањето на Маск во политиката е поттикнато од бизнис интереси, велејќи дека на неговото семејство не му се потребни дополнителни приходи.
🇺🇲
❔❔❔
Elon Musk and His Father Admire Putin, Calling Him a ‘Model of a Strong Leader’In a BBC interview, Errol Musk revealed that both he and his son Elon admire Vladimir Putin.
“As a family, we definitely admire Mr. Putin a little. It would be foolish not to—he always… pic.twitter.com/LoJd7vaoIF
— Anton Koop (@anton_koop893) April 4, 2025
