Се огласи Додик, вели дека ја следи состојбата во поплавените подрачја во РС

Претседателот на ентитетот Република Српска (РС), Милорад Додик, кој, според неофицијални информации на порталот Klix.ba, е во Москва, вели дека ја следи состојбата во поплавените подрачја во овој ентитет.

Тој вели дека денеска разговарал со градоначалниците и раководителите на месни заедници во овој субјект погоден од катастрофалните поплави.

„Во овој тежок момент институциите на Република Српска покажуваат одговорност и солидарност и сите ресурси ќе бидат насочени кон реконструкција, а сите сектори ќе бидат ангажирани да им пружат помош на погодените подрачја во најкус можен рок. РС ќе ги елиминира сите последици од оваа природна катастрофа“, рече Додик.

Тој додаде дека од првиот момент Владата на Република Српска постапила одлучно, ги мобилизирала сите ресурси и усвоила конкретни мерки за помош на ранливите заедници.

„Во соработка со локалните власти, ја следиме ситуацијата и ги координираме сите неопходни активности. Како приоритет, би сакал да го истакнам градот Приедор, кој е погоден од поплави какви што не сме виделе повеќе од 100 години дека штетите се санираат што е можно побрзо, особено на станбените и деловните објекти, бидејќи тоа е клучот за враќање на нормалниот живот“, рече Додик, за кого е распишана централна потерница и е побарана меѓународна потерница.

Данас сам разговарао са градоначелницима и начелницима локалних заједница у Републици Српској које су погођене катастрофалним поплавама.

У овом тешком тренутку, институције Републике Српске показују одговорност и солидарност и сви ресурси биће усмјерени у обнову, а сви сектори…

— Милорад Додик (@MiloradDodik) March 29, 2025