Се бараат невеста и зет за годинешнава Галичка свадба

-И оваа година доследни на традицијата, ќе ги спасиме од заборав нашите вековни обичаи и со свадбени поворки, песна и ора ќе направиме уште една незаборавна Галичка свадба. Особено сме горди да ги поканиме сите заинтересирани парови кои сакаат да ја крунисаат својата љубов на Петровден и да дадат завет пред Бога, да се пријават најдоцна до 20 април 2025. Потребно е да ни испратите е-пошта на mzgalicnik#gmail.com сo наслов „За избор на зет и невеста“ и раскажете ни зошто токму вие сте вистинскиот пар, соопштија од МЗ „Галичник“

Месната заедница „Галичник“ го објави конкурсот за избор на зет и невеста на годинашната Галичка свадба, која ќе се одржи традиционално, на празничниот петровденски викенд, од 11 до 13 јули во Галичник.

 – И оваа година доследни на традицијата, ќе ги спасиме од заборав нашите вековни обичаи и со свадбени поворки, песна и ора ќе направиме уште една незаборавна Галичка свадба. Особено сме горди да ги поканиме сите заинтересирани парови кои сакаат да ја крунисаат својата љубов на Петровден и да дадат завет пред Бога, да се пријават најдоцна до 20 април 2025. Потребно е да ни испратите е-пошта на [email protected] со наслов „За избор на зет и невеста“ и раскажете ни зошто токму вие сте вистинскиот пар – соопштија од МЗ „Галичник“.

Согласно конкурсот, предност при изборот ќе имаат оние кои се со потекло од Галичник (двајцата или еден од нив), веќе биле дел од Галичката свадба во друга улога, кои се активни членови на месната заедница и се парови за кои тоа ќе биде прв црковен брак.

Одлуката за избор на зет и невеста ќе биде објавена најдоцна до 31 мај 2025 година на официјалната веб-страница и фејсбук-профилот на месната заедница „Галичник“.

Минатата година Галичката свадба се одржа од 12 до 14 јули. Невестата беше Стефана Димитрова, по потекло од Галичник, а младоженецот Даријан Кочоски. Невестата Стефана, преку своите родители, потекнува од познати галички семејства, а и двајцата млади и претходно биле учесници на „Галичка свадба“.