Во Загреб во ноќта меѓу вторник и среда, недалеку од канцеларијата на хрватскиот претседател Зоран Милановиќ, активирано е свлечиште. Тоа е едно од 12-те свлечишта во и околу комплексот и не е поврзано со свлечиштето во Пантовчак.
Стручни служби веднаш излегле на местото на настанот, во улицата Врховец, за да ја санираат штетата.
При активирање на свлечиштето пукнала и водоводната цевка, а според Индекс до граѓаните биле испратени цистерни со вода.
Свлечиште долго 58 метри
Горан Мазија, раководител на Секторот за геотехнички катастар на Град Загреб, за ХТВ изјави дека свлечиштето било долго 58 метри. Длабочината на лизгачката површина засега е непозната.
– Се вршат увиди, екипата е на терен. Воспоставивме нова сообраќајна регулатива додека не започнеме со поправка, а планирано е да го затвориме патот во полн профил за да нема дополнителни поголеми промени и евентуално некој да не падне во дупката доколку се активира во текот на ноќта – рече Мазија и додаде:
– Станува збор за постар одрон и активирањето на свлечиштето доведе до пукање на цевката. Цевката ќе се санира денеска, вода моментално има во сите станбени згради, нема да ја има при реновирање, но ќе биде понудена цистерна од која ќе може да се снабдуваат станарите со вода.
ИЗДВОЕНИ
Низ „виенската врата“ во средината на март се враќа зимата
Tрамп најави неколку иницијативи за зајакнување на националната одбрана, се отвора нова канцеларија – „ќе ја воскреснеме индустријата“
Голема временска аномалија во Македонија: Календарски уште незапочната, пролетта со карактеристики на рано лето!
„Францускиoт нуклеарен арсенал – штит за цела Европа“: Макрон ќе започне дискусија за заштита од Русија која „станала директна закана“
