Лукас Мертенс (22) исплива до олимписко злато на 400 метри слободно во Париз, обезбедувајќи ѝ го првиот медал на Германија. Младиот пливач беше обземен од емоции, па се расплака на доделувањето на медалите и додека ја слушаше германската химна. Но, тој не беше единствениот што плачеше. Недолго потоа, солзи пролеа и Изабел Госе (22). Оваа германска пливачка е поранешна девојка на освојувачот на златен медал.
Таа беше интервјуирана од АРД и притоа виде на екранот како нејзиното поранешно момче го прима златниот медал, па заплака.
- Тој многу го заслужува тоа. Тој едноставно ме инспирира мене, сите нас. Се обидов да се воздржам, но не можев а да не заплачам. Ме обзедоа емоциите. Тој мора и треба да биде многу горд на себе. Тој прави луди работи на тренинзите. Сите сме неверојатно горди на него – изјави Изабел.
Поранешната пливачка двојка од соништата беше заедно на Олимпијадата во Токио. Во Париз допатуваа одделно, но очигледно е дека и понатаму си посакуваат најдобри можни резултати. Сè уште се во пријателски односи и сè уште добро се согласуваат. Тие дури се фотографираа заедно на Олимпискиот базен во Париз.
Госе мораше да оди на базен веднаш по златната трка на нејзиното поранешно момче на 400 метри слободно, со време 4:02.14.
Што се однесува до медалите, Германија има само еден, и тоа злато од нејзиниот талентиран пливач, додека Соединетите Американски Држави веќе собраа 12, од кои три златни, шест сребрени и еден бронзен. Матичната нација, Франција, има осум медали (3, 3, 2), Јапонија седум (4, 2, 1) и Австралија, Република Кореја, Кина и Италија по шест.
