Сан Антонио со пресврт го доби Лејкерс (ВИДЕО)

Екипата на Сан Антонио Спарс убедливо го совлада Лос Анџелес лејкерс на гости, со 126:102, во НБА-лигата. На полувремето, Лејкерс имаше водство од +9 (62:53), но Спарс успеа да направи пресврт во вториот дел.

Прво ја доби третата четвртина со 36:27, а потоа славеше убедливо со +24. Спарс беше предводен до победата од Стефон Кастл, Девин Васел и од Виктор Вембањама, кои постигнаа по 23 поени, додека на спротивната страна прво име беше Ентони Дејвис со 30 поени и 13 скока.

Лејкерс е на седмото место на Западот, со 20 победи и 17 порази, додека Сан Антонио е на 11. место, со скор 19:19.

Резултати: Вашингтон – Минесота 106:120, Њујорк – Детроит 119:124, Торонто – Голден стејт 104:101, Хјустон – Мемфис 120:118, ЛА Клиперс – Мајами 109:98.