Руските волонтери кои живеат во Франција, на кои им е забрането да работат на Летните олимписки игри во Париз во 2024 година, напишаа писмо до францускиот претседател Емануел Макрон на крајот на април, барајќи од него да помогне во укинување на забраната, изјави еден од волонтерите за ТАСС.
Руската агенција претходно објави дека француските власти ги одбиле барањата за акредитација за Олимписките игри од Русите кои сакале да заминат во Париз како волонтери.
Тие напишаа писмо до францускиот министер за внатрешни работи Жерал Дарманен во кое побараа да се укине забраната за работа на Олимпијадата, но тоа остана без одговор.
„Исто така, испративме колективно писмо до францускиот претседател Макрон, каде текстот на писмото е речиси ист како во писмото до министерот за надворешни работи. Сепак, дури ни шефот на Франција сè уште не ни одговори“, вели Русин, волонтер, кој живее во Париз.
Волонтерите од Русија веќе добиле визи за влез и купиле билети за Франција, се вели во писмото.
Тие беа подготвени да работат на Олимписките и Параолимписките игри, но не им беше дозволена акредитација од безбедносни причини.
Волонтерите во писмото наведуваат дека строго ќе ги почитуваат сите француски закони, законите на Европската унија, Олимписката повелба и Олимписката и параолимписката повелба за волонтерство.
Нагласија и дека никогаш не го прекршиле законот и дека против нив не е поднесена кривична пријава.
Олимписките игри ќе се одржат во Париз од 25 јули до 11 август, пренесува Танјуг.
