Кафеава мечка нападна и тешко повреди Русин во шума на околу 125 километри од Москва, јавуваат локалните медиуми и жителите. Во регионот околу главниот град се зачестени средбите со мечки. Човекот, кој го преживеа нападот бил во шумата собирајќи рогови од лосови и елени минатата недела, кога мечката го нападнала одзади, цитира близок роднина на повредениот за една локална веб-страница.
„Ѕверот почнал да му го гризе черепот, а потоа го свртел и почнал да го гризе по лицето, рекол роднина на жртвата. Тој некако се преправал дека е мртов и мечката изгубила интерес за него“, додаде тој.
Руските медиуми јавуваат дека повредениот се јавил на 911 и чекал со часови додека екипите на итната помош пеш го барале во шумата кај селото Јеремејево. Потоа со хеликоптер бил пренесен во болница. Ловот на мечки е дозволен во поголемиот дел од Русија, но е забранет во московскиот регион.
Некои Руси одат во шумата за да соберат рогови, чиј пар може да се продаде за до 15.000 рубли (178 долари), што е околу две третини од месечната минимална плата во Русија.
ИЗДВОЕНИ
Прифатени барањата на Обвинителството за новосомничените за пожарот во Кочани: Одреден притвор од 30 дена за четири лица, домашен притвор за шест
ЖИВОТНИ ПАТОКАЗИ, ЗОРАН КРСТЕВСКИ: Потиснати емоции
Збир од пропусти – 13 години ниту еден инспектор не стапнал во кочанската дискотека „Пулс“
РАЗГОВОР СО ЉУПЧО ВЕЛЕСКИ, ПРЕДАВАЧ НА ИЗВОЗНАТА АКАДЕМИЈА – СКОПЈЕ: Со повеќе извозни компании до поголем БДП и повисок животен стандард
