Русија и Украина почнаа директни преговори: Путин го прими Виткоф, Кремљ открива детали од средбата

Рускиот претседател Владимир Путин и специјалниот пратеник на САД за Блискиот Исток, Стив Виткоф, се состанаа во Москва за да преговараат за крај на војната во Украина. „РИА Новости“ ги открива сите детали од средбата која траела цели три часа.

Два документи со предлози за прекин на конфликтот одекнаа во светската јавност, а средбата се одржа на 80-годишнината од состанокот на советските и американските трупи на Елба. Помошникот на рускиот претседател Јуриј Ушаков, откри детали од разговорот.

„Темата на разговорот беше можноста за продолжување на директните преговори меѓу Русија и Украина и постигнување договор за прекин на огнот. Што се однесува до самата украинска криза, особено се разговараше за можноста за продолжување на директните преговори меѓу претставниците на Руската Федерација и Украина.

Средбата меѓу Путин и Виткоф беше конструктивна и корисна. Состанокот овозможи дополнително приближување на позициите меѓу Русија и САД не само за Украина, туку и за други меѓународни прашања.

Во согласност со договорот постигнат меѓу претседателите на Русија и САД, продуктивниот руско-американски дијалог на различни нивоа ќе продолжи да се одвива во најактивниот режим. Инаку, симболично е што денешниот состанок се одржа на 80-годишнината од историскиот состанок на советските и американските војници на Елба.

„Оваа средба, како што сите знаат, го симболизира воениот сојуз на нашите две земји во борбата против нацизмот“, рече Ушаков.

Советските и американските трупи се сретнаа на реката Елба пред 80 години, на 25 април 1945 година. Потоа со заеднички сили го завршија поразот на нацистичка Германија.