Русија и САД започнуваат разговори за проекти поврзани со руските ретки метали

Русија и САД започнуваат разговори за проекти поврзани со руските метали, изјави денеска за весникот „Известија“ Кирил Дмитријев, генерален директор на Рускиот фонд за директни инвестиции (РФИФ) и специјален претставник на рускиот претседател за инвестиции и надворешна економска соработка.

„Ретките метали се важна област за соработка и, се разбира, започнавме дискусии за различни метали и проекти од ретки земји во Русија“, рече Дмитријев, пренесе агенцијата Интерфакс.

Според Дмитријев, некои американски компании веќе покажале интерес за овие проекти.

Тој претходно изјави дека Русија има неколку пати поголеми резерви на ретки метали од Украина и дека земјата може да соработува со САД и други земји во оваа област.