Специјалниот пратеник на американскиот претседател Стив Виткоф изјави дека постои можност да се даде нов облик на односите меѓу Москва и Вашингтон преку комерцијална соработка, пренесува Фокс њуз.
– Постои потенцијал за преобликување на односите меѓу Русија и САД преку некои добри комерцијални можности, кои, според мене, можат да донесат вистинска стабилност во регионот. „Партнерствата водат кон стабилност“, рече Виткоф, одговарајќи на прашање за деталите од преговорите за решавање на украинскиот конфликт.
Специјалниот пратеник изјави и дека во рамките на украинското решение се појавила можност да се најдеме „на прагот на нешто што ќе биде многу важно за мирот во глобална смисла“.
Според него, преговарачкиот процес ги надминува „т.н. пет територии“, а во мировниот договор се разговара и за безбедносните гаранции и откажување од плановите за членство на Украина во НАТО.
Минатиот петок Стив Виткоф отпатува за Русија по трет пат. Тој се сретна со претседателот Владимир Путин во зградата на Претседателската библиотека во Санкт Петербург.
Нивните преговори траеле 4,5 часа. Според веб-страницата на Кремљ, тема на средбата биле аспектите на украинското мировно решение. Сепак, претседателскиот портпарол Дмитриј Песков ја повика јавноста да не очекува пробивни резултати по посетата на Виткоф на Санкт Петербург.
ИЗДВОЕНИ
Кос: Нема гаранции дека по уставните измени не би имало пречки на европскиот пат на Северна Македонија
Коцевски: Издадена е наредба за приведување на седум нови полициски службеници за пожарот во Кочани
Опозицијата бара оставка, на Тошковски критиките му се комплимент
Европскиот сон патува кон „втора лига“ – проширувањето на ЕУ заглавено меѓу ветувања и блокади!
