Американскиот државен секретар Марко Рубио изјави денеска дека интересот на американскиот претседател Доналд Трамп за купување на Гренланд „не е шега“, додавајќи дека припојувањето на Гренланд ќе биде во интерес на Америка и дека ова прашање треба да се реши.
Рубио рече дека Трамп сака да го купи Гренланд и не ја отфрли можноста за стекнување со воена сила, не сакајќи да го тргне притисокот од масата.
„Ова не е шега. Не станува збор за стекнување земјиште само заради стекнување земјиште. Ова е во наш национален интерес и треба да се реши“, нагласи Рубио, според Ројтерс.
Трамп изрази интерес Гренланд, автономна територија на Данска, да стане дел од Соединетите Држави по неговиот реизбор во ноември и не ја отфрли можноста за употреба на воена или економска моќ за да ја принуди Данска да ја предаде.
Премиерот на Гренланд Муте Егеде, кој ги засили напорите за независност, во неколку наврати изјави дека островот не е на продажба и дека неговите жители треба да одлучат за неговата иднина, пренесува Танјуг.
