По пласманот на Португалија во четвртфиналето, која беше подобра од Словенија по пенал рулетот, сè уште се зборува за продолженијата каде Кристијано Роналдо промаши удар од белата точка.
Еден од најдобрите фудбалери на сите времиња промаши пенал во 105. минута, или подобро кажано неговиот удар го одбрани Јан Облак. После тоа Кристијано Роналдо се расплака, а свое мислење за тоа даде и поранешниот германски ас, Дитмар Хаман.
- Морам да признаам дека и јас веруваџв дека Кристијано Роналдо стана тимски играч повеќе отколку што беше порано. И јас верував во таа глупост, но мислам дека тој повторно го покажа своето вистинско лице, изјави Хаман за ирската телевизија „RTE“, па продолжи:
- Кога почна да плаче откако промаши пенал на половина од продолжението, тогаш помислив дека сѐ уште се се врти околу него, додаде Германецот.
Инаку, Португалија во сабота во четвртфиналето на ЕП ќе игра против Франција.
