Роло-завеси се поставуваат на градскиот пазар во Велес

На барање на закупците и граѓаните во тек е поставување на вертикални роло завеси на отворените страни на градскиот пазар во Велес.

Како што информира градоначалникот на Општина Велес, Марко Колев, со монтирањето на три завеси на горниот и една на долниот дел од пазарот, продавачите и посетителите ќе бидат заштитени од ветер, со што, дополнително се подобруваат условите за работа.

По поставувањето на роло-завесите останува уште едно барање на продавачите – закупци на тезги упатено до Општината Велес која има ингеренција над ЈКП „Дервен“ кое стопанисува со Градскиот пазар, а тоа е поставување грејни тела на неколку места на пазарот.