Авантуристи без постојана адреса, светски патници и истражувачи, љубовници, патописци, спортисти и дипломати. Тие се од двојна природа; ги привлекува се што го воздигнува духот и му угодува на телото, можат да бидат и аскети и најголеми хедонисти. Имаат големи апетити, сакаат толку многу да научат, да пробуваат многу работи… Без многу размислување се впуштаат во љубовна авантура, опасен спортски потфат или ризична работа. Тие се коцкари во срцето; можат да стават сè на коцка за само една секунда.
Тоа се личностите родени во знакот на Стрелец.
Тие се многу отворени во комуникацијата, понекогаш дури и премногу директни. Тие кажуваат што прво ќе им падне на памет, прашуваат се што ги интересира, а понекогаш дури и зборуваат за своите планови на детски наивен начин. Во суштина, тие се чесни и искрени, па мислат дека и другите се такви.
Дарежливи се, понекогаш екстравагантни, сакаат луксуз, прослави, веселби и друштвени собири. Сакаат да бидат таму каде што нешто се случува, тие ќе бидат првите што ќе волонтираат кога нешто треба да се испроба или да му помогнат на некој друг.
Нив ги привлекува сè што е различно; други земји, обичаи, култура, јазици и особено егзотични области. Уживаат во патувањата, не сакаат здодевни работи и се иритирани од ситнобуржоаските форми и озборувачките општества.
Пред се го мразат ограничувањето на слободата, чувството дека мора да останат некаде или да направат нешто. Тие сакаат да бидат неограничени и слободни како птица во лет, да одат далеку, да видат сè и да им раскажат на другите за тоа.
Стрелецот е млад дух, со прекрасен естетски изглед, атлетска градба и сака благородни спортови, па тенисот ќе му биде еден од омилените. Стрелецот е елегантен, аристократски, понекогаш бунтовен, ја почитува традицијата, но сепак оди по својот пат.
Стрелецот е свештеник, астролог, пророк. Големите награди, медали и воени заслуги произлегуваат од силниот Јупитер. За да бидете шампион во спортот или победник во војна, мора да имате силен Јупитер во вашата натална карта.
Стрелците не се лесен знак за соработка, тие знаат да бидат строги и арогантни. И тој казнува, но повеќе е непријатно отколку тотално трагично. За некој кој е хедонист по природа, нема поголема казна од тоа да биде лишен од задоволства и пари. Животните апетити на овој знак се големи, но и се остваруваат.
