Во Вишото јавно обвинителство во Зајечар пристигнаа првите извештаи за ДНК вештачењето на материјалот од случајот со тешкото убиство на двегодишната Данка Илиќ од Бор. Засега нема биолошки траги од девојчето.
Јавното обвинителство во Зајечар за „Новости“ ја потврди информацијата дека пристигнале првите ДНК тестови и дека нема биолошки траги на Данка Илиќ, двегодишното девојче чие исчезнување на 26 март беше пријавено во Бањски Поље кај Бор.
– Ги добивме првите неколку извештаи, само од еден дел од трагите кои се вештачат, а се вештачат многу предмети. Во добиените резултати од ДНК нема биолошки траги од девојчето – изјави за „Новости“ Миодраг Цановиќ, обвинител на ВЈО од Заечар.
Тој за „Новости“ потврдил дека вештаците пронашле околу 500 траги пронајдени во службеното возило на ЈКП „Водовод“ за кое постои сомневање дека го користеле Дејан Драгојевиќ и Срѓан Јанковиќ при извршувањето на кривичното дело, но и дека вештаците пронашле облека, чевли на осомничените, предмети и алат од нивните домаќинства и траги пронајдени на терен. Вештаци го прегледуваат ГПС уредот од службеното возило на „Водовод“, за да ги утврдат параметрите за движење на Драгојевиќ и Јанковиќ на денот на исчезнувањето на девојчето.
Меѓу пријавите добиени во Националниот центар за криминалистичка форензика има и предмети од службеното возило на „Водовод“ што го управувал осомничениот на денот на исчезнувањето на девојчето.
– Тоа секако не се сите траги. Сè уште чекаме да пристигнат другите – вели Цановиќ.
