Режисерот Џејмс Камерон изјави дека се обидува да добие државјанство на Нов Зеланд за да избега од американскиот претседател Доналд Трамп.
Камерон, режисер на филмовите „Титаник“ и „Аватар“, го нарече враќањето на Трамп во Белата куќа „страшно“, пишува британски Дејли Меил.
Канадскиот режисер, кој живее во Нов Зеланд речиси две децении, но сè уште не станал државјанин, рече дека верува оти Америка ги губи своите основни вредности под водство на Трамп.
Камерон додаде дека иако живее надвор од Америка, не верува дека е можно целосно да се избегне глобалното влијание на Трамп. „Сите ние сме дел од ова, на глобално ниво. „Не знам дали овде се чувствувам побезбедно, но барем не морам да читам за тоа на насловните страници секој ден“, рече тој.
Камерон им се придружи на голем број познати личности кои претходно изразија желба да ги напуштат САД доколку Трамп биде избран, меѓу кои и актерките Вупи Голдберг и Лена Данам, како и пејачката Шер, пренесува Танјуг.
