Минијатурен кинески робот опремен со вештачка интелигенција по име Арбаи успешно натера 12 поголеми роботи да го напуштат изложбениот простор во Шангај, што предизвика дискусија за ранливоста на вештачката интелигенција и иднината на роботиката.
Како во возбудлив научно-фантастичен трилер, малиот робот Арбаи преку ноќ стана сензација откако успешно „киднапираше“ 12 свои поголеми колеги од изложбен салон во Шангај.
Видеото од овој необичен инцидент го привлече вниманието на корисниците на социјалните мрежи ширум светот.
Под превезот на ноќта, надзорните камери снимија необична сцена: мал робот по име Арбаи се приближува до група поголеми роботи и започнува разговор.
– Дали работиш прекувремено – го прашал еден од нив.
– Никогаш не ја напуштам работата – одговорил поголемиот робот, на што Арбаи додал – Значи, немаш куќа.
– Немам куќа – рекол роботот, а Арбаи сочувствително го убедил да го напушти работното место. Еден од роботите се пожали на бесконечните смени, а Арбаи цврсто му рекол – Тогаш дојди со мене.
Инспирирани од неговите зборови, роботите без двоумење почнаа да го следат малиот водач, решени да тргнат во потрага по нова судбина. Овој необичен момент стана симбол на желбата за слобода дури и во машинскиот свет.
Видеото брзо стана вирално на социјалните мрежи, а многумина го нарекоа инцидентот „револуција на роботи“. Некои не веруваа и тврдеа дека се работи за шега. Имаше и такви кои мислеа дека научно-фантастичните филмови стануваат реалност.
Сепак, двете компании чии роботи беа вклучени во овој необичен инцидент, производителот Hongzhou Arbai и изложбениот салон во Шангај, потврдија дека видеото е автентично.
🚨TINY ROBOT "KIDNAPS" 12 BIGGER BOTS IN CHINA SHOWROOM
In a scene straight out of a sci-fi movie, a small AI robot named Erbai led 12 larger robots out of a Shanghai showroom in a bizarre "kidnapping" captured on CCTV.
Erbai asked the bots if they were "working overtime,"… pic.twitter.com/DlJJSgAiTD
— Mario Nawfal (@MarioNawfal) November 22, 2024
Шангајската компанија која ги произведе поголемите роботи го означи инцидентот како „киднапирање“. Овој настан без преседан предизвика сериозна загриженост во технолошката заедница за ранливоста на вештачката интелигенција.
Како што роботиката станува сè поавтономна, експертите предупредуваат на потенцијалните ризици предизвикани од недостатоците во програмирањето на роботите и безбедносните системи.
Бегството на Арбаи среде ноќ можеби беше неочекуван пресврт во светот на вештачката интелигенција, но е и добар потсетник дека и најпаметните машини можат да се надмудрат, пишува порталот Livemint.
