Путин наскоро ќе умре, предвиде Зеленски

Украинскиот претседател Володимир Зеленски предвиде дека Владимир Путин „наскоро ќе умре“, повикувајќи се на ги гласините што циркулираат за лошото здравје на рускиот претседател.

Оваа изјава тој ја даде за време на интервју со новинари во Париз по состанокот со францускиот претседател Емануел Макрон во средата.

Зеленски ги замоли САД  „да останат силни“ и да не потклекнуваат на барањата на Москва, изјавувајќи „Тој (Путин) наскоро ќе умре, тоа е факт и ќе му дојде крајот“, пишува „Стандард“.

Гласините околу лошата здравствена состојба на рускиот лидер се зголемуваат со години, бидејќи тој често е виден со надуено лице, крвави очи, трепери и има грчеви во нозете, додека во неколку наврати се чинеше дека оди со куцање. Минатата недела беше објавено дека Путин (72) доживеал „мини мозочен удар“ откако бил виден како неконтролирано се тресе за време на конференција. Во 2022 година беше забележано како Путин свиткан на стол се држи за маса и меша зборови за време на состанок со тогашниот министер за одбрана Сергеј Шојгу. Имаше и тврдења дека можеби има рак или паркинсонова болест, но тие не се потврдени.

За време на вчерашната средба со Макрон, Зеленски рече дека верува оти Путин се обидува „да ја удри Европската Унија однатре“, мислејќи на Унгарија, која е на страната на Русија. По разговорите Македонија изјави дека европските мировни сили инсталирани во Украина би можеле да „одговорат“ доколку Русија изврши напад.