Откако американскиот претседател Доналд Трамп ja нападна уметницата која го насликала неговиот портрет, кој е изложен во зградата на Стејт департментот во Колорадо, неговиот руски колега Владимир Путин му испрати нов портрет.
Путин ја испратил сликата преку специјалниот пратеник на Трамп, Стив Виткоф претходно овој месец, потврди портпаролот на Кремљ, Дмитриј Песков, пренесува АП.
Овој подарок за прв пат беше спомнат од Виткоф минатата недела во интервју со поранешниот водител на Fox News, Такер Карлсон. Трамп беше јасно трогнат од подарокот, рече тој, опишувајќи го портретот како „прекрасен портрет на водечки руски уметник“.
За време на интервјуто со Карлсон, Виткоф се присети како Путин му рекол дека се молел за Трамп минатата година кога слушнал дека тогашниот американски претседателски кандидат бил ранет на митинг во Пенсилванија.
Тој се молеше за својот пријател, рече Виткоф, раскажувајќи ги зборовите на Путин.
Сликата никаде не е јавно прикажана, а Песков рече дека само Путин може да открие дополнителни детали.
Во 2021 година, Путин му подари на тогашниот претседател Џо Бајден лакирана кутија за пишување и пенкало во вредност од 12.000 долари кога се сретнаа на самитот во Женева, Швајцарија. Тој наводно испратил порцелански чинии и шолји за еспресо на тогашниот претседател Барак Обама во 2013 година.
ИЗДВОЕНИ
Од Скопје ќе се лета до 47 дестинации, од Охрид до седум – ќе има и чартери
ИНТЕРВЈУ СО МУХАРЕМ ИСМАИЛ, ИМАМ НА ИСА-БЕГ ЏАМИЈАТА ВО СКОПЈЕ: Време е да се освестиме, да се фатиме за рака и да се поддржуваме едни со други!
Над 150 мртви во катастрофалниот земјотрес во Мјанмар и Тајланд
Трамп се закани: „Америка мора да го има Гренланд. Ако Данска и Европа тоа не го разбираат, ќе мора да им го објасниме“
