Путин го прими Додик во Кремљ/видео

Претседателот на ентитетот Република Српска и осомничен за напад на уставниот поредок на Босна и Херцеговина, Милорад Додик, се сретна со рускиот претседател Владимир Путин во Москва, пренсе Кликс.

Оваа информација ја потврди портпаролот на Кремљ, Дмитриј Песков, кој не даде дополнителни информации за нивната средба.

Управо сам имао састанaк с предсједником Руске Федерације Владимиром Путином, ово је наш 26. сусрет.
Путин познаје детаље, укупну ситуацију која се дешава код нас. Занима се за нешто што обичан човјек код нас тамо пита.

Русија je веома важна земља за Републику Српску, у оквиру… pic.twitter.com/uLiZWOKqwJ

— Милорад Додик (@MiloradDodik) April 1, 2025

Инаку, Милорад Додик веќе неколку дена е во Москва, а од Србија замина во Русија по завршувањето на посетата на Израел. Сè уште не се знае како Додик ја напуштил Босна и Херцеговина, со оглед на тоа што по него е распишана централна потерница и дека му се заканува едномесечен притвор затоа што не одговорил на поканите од правосудните институции за сослушување.

Додик, заедно со премиерот на РС, Радован Вишковиќ и претседателот на Народното собрание на РС, Ненад Стевандиќ, е осомничен за напад на уставниот поредок на нашата земја.

Отворањето на овој случај се случи откако Националното собрание на РС изгласа, а Додик ги потпиша указите за закони за забрана на работата на државните институции СИПА, Судот на БиХ, Обвинителството на БиХ и ХЈПЦ на територијата на ентитетот РС.

Исто така, треба да се додаде дека во наредните денови се очекува одлуката на Интерпол да распише црвена, или меѓународна потерница за Додик и Стевандиќ, кои ја напуштаа БиХ откако по нив беше распишана централна потерница.