Пукање меѓу две семејства во Шпанија – две лица се повредени, од кои 2-годишно девојче е во критична состојба

Две лица се повредени во пукање во шпанскиот град Пласенсија, објави Канал Екстремадура, пренесува хрватски Индекс. Едно од нив е двегодишно девојче, кое било тешко повредено откако било погодено од куршум во главата.

Втората жртва е 25-годишна жена, која е ранета во ногата.

Националната полиција за Canal Extremadura потврдила дека причина за пукањето е расправија меѓу две локални семејства, што довело до повреда на девојчето.

Полициските службеници во моментов работат на расветлување на настаните и трагаат по најмалку едно лице кое учествувало во престрелката, а кое наводно побегнало.

Девојчето е во тешка состојба во Универзитетската болница во Бадахоз. Таа се лекува на Одделот за интензивна нега на педијатри, додека 25-годишна жена е примена во болницата „Вирген дел Пуерто“ во Пласенсија поради прострелна рана на стапалото, заклучува Канал Екстремадура.