Американецот Гордон Кордеиро, кој помина 30 години во затвор, по ослободувањето изјави дека најголемиот впечаток што го добил за денешниот свет е колку луѓето гледаат во своите мобилни уреди.
Кордеиро почнал да ја отслужува затворската казна во 1994 година, додека мобилната технологија срамежливо се појавуваше откако бил осуден за убиство.
„Сите гледаат во своите телефони“, рече тој за време на неговото прво интервју откако беше пуштен од затвор во петокот.
Тој исто така рече дека се обидува да се навикне на тоа како луѓето се сега поврзани благодарение на уредите, пренесува Sky News.
Кордеиро, сепак, рече дека „технологијата е одлична“, бидејќи нова ДНК анализа покажала дека тој не го извршил убиството за кое беше осуден на затвор во 1994 година.
Првата работа што ја направил по ослободувањето била посета на гробот на мајка си, бидејќи, како што рекол, постојано размислувал за неа додека бил зад решетки.
Неговата мајка, Полет, почина еден месец пред апсењето на Кордеиро, во септември 1994 година, од болеста Лу Гериг.
