Протести во Турција: Стотици илјади демонстранти ги преплавија улиците на Истанбул

Стотици илјади продемократски демонстранти повторно излегоа на улиците на Истанбул, Турција, за да му дадат поддршка на градоначалникот кој е уапсен.

Екрем Имамоглу, кој се смета за најсериозен политички ривал на претседателот Реџеп Таип Ердоган, беше уапсен под обвинение за корупција минатата недела, што предизвика масовни протести.

Тој ги негира обвиненијата и вели дека неговото апсење е политички мотивирано.

Собирот во саботата беше толку голем што масата луѓе се протегаше од местото на протестот до блискиот парк.

Претседателот на Републиканската народна партија (ЦХП) на Имамоглу прочита писмо од уапсениот политичар кој се наоѓа во самица.

„Не се плашам, ти си зад мене и покрај мене.

„Не се плашам, бидејќи народот е обединет. Народот е обединет против угнетувачите“, напиша Имамоглу во писмото.

На протестот беше и неговата сопруга Дилек.

Ќе продолжиме да се бориме“, рече таа.

Демонстрантите вееја турското црвено-бело знаме и извикуваа: „Права, закон, правда!“.

Имамоглу е градоначалник на Истанбул од 2019 година и извојува убедлива победа на минатогодишните избори.

Тој беше избран за кандидат на ЦХП за претседателските избори што ќе се одржат во 2028 година.

Тој се смета за единствениот политичар кој може да им парира на Ердоган и неговата Партија на правдата и развојот.

Ердоган е на власт повеќе од две децении, прво како премиер, а потоа како претседател од 2014 година.

Тој не може повторно да се кандидира за претседател по 2028 година, освен ако не го промени турскиот устав.

Од апсењето на Имамоглу минатата недела, низа масовни продемократски протести ја потресоа земјата.