ПРОТЕСТИ И ВО ЦРНА ГОРА: Од денеска секојдневно ќе биде блокирана по една сообраќајница

Неформална црногорска студентска група Камо Сутра најавија дека од денеска 3 февруари, секојдневно ќе блокираат по една сообраќајница во Црна Гора додека не се исполнат нивните барања, јавуваат црногорските медиуми.

Клучните барања на студентската група се разрешување на министерот за внатрешни работи Данило Шарановиќ и вицепремиерот на Црна Гора Алекса Бечиќ бидејќи, според нив, ништо не е направено за да се спречи повторување на злосторствата слични на она што се случи во Цетиње на 1 јануари оваа година.

Hvala vam! pic.twitter.com/IuyENrLHqz

— Kamo Śutra? (@KamoSjutra) February 1, 2025

„Дваесет и три минути врева ќе започне во 17 часот и 26 минути. Точната локација ќе ја објавиме во 16 часот и 26 минути на нашите мрежи. Сите на улиците! Сите за нашето безбедно утре!“ порача групата на мрежата X.

Poštovane građanke i građani,

Počevši od śutra 3. februara, svakog dana do daljnjeg će biti blokirana jedna saobraćajnica. Dvadeset tri minuta buke počinjaće u 17:26 h. O tačnoj lokaciji informisaćemo u 16:26 h putem naših mreža.

Svi na ulice! Svi po naše bezbjedno śutra! pic.twitter.com/I9eVGPfv0C

— Kamo Śutra? (@KamoSjutra) February 2, 2025

Како дел од организацијата Камо Сутра? Во саботата вечерта беше одржана блокада на мостот Блаж Јовановиќ во Подгорица која траеше од 17:26 до 18:30 часот.

На 1 јануари Цетињанецот А.М застрела 12 сограѓани, по што се самоуби. Притоа рани уште четири лица, од кои едното подоцна почина во Клиничкиот центар во Црна Гора.